東方新聞

今晚「中銀人壽香港超級聯賽」假大埔運動場上演一場補賽，大埔主場與港會挑燈夜戰。「綠戰士」的緊密賽程來到尾聲，對球員意志力將會是極大挑戰，且看有陣容較完整的港會，能否在這場肉搏戰偷雞搶分。（on.cc東網周二晚7時45分按次收費直播）

10日內要面對第4戰的「綠戰士」，上場遭冠忠南區逼和，但仍保持11場聯賽不敗走勢，主教練李志堅承認緊密賽程下，球員已出現疲態，體能會較為輸蝕：「球隊過去連續兩場都喺惡劣場地比賽，體能消耗好大，球員都傷晒，希望到時唔好落雨。」比迪高及羅振庭上場因傷退下火線，今場上陣成疑。

馮冠鳴豪言唔怕埋身肉搏

兩軍繼上月底後再交手，大埔首循環贏3比0，今場再面對踢法直接的港會，球風彪悍的「綠戰士」防中馮冠鳴表示未驚過：「我自己對鬼佬式踢法唔陌生，加上球隊有唔少球員踢法硬淨，唔驚踢埋身五五波，最緊要把握到埋門機會。」

積施利：要嚴防盧卡斯

港會上場聯賽因天雨關係，僅踢約30分鐘就被腰斬，因此簡嘉亨認為球隊體能不成問題。至於後防主力積施利就稱，球隊務必緊記首循環以0比3不敵「綠戰士」的教訓，盡量限制對方進攻，又提醒隊友要嚴防盧卡斯：「盧卡斯返大埔之後，身形仲弗過以前，有佢喺前面開路，其他前鋒會踢得舒服好多，所以唔睇緊啲盧卡斯，絕對會付出代價。」