東方新聞

在昨日記招中，決賽隊伍之一傑志的會長伍健亦有現身。「伍生」受訪時承認聯賽衞冕失敗，而主因在於季初引入的外援表現不似預期。

傑志暫時落後榜首理文6分，在球季僅餘兩場下，會長伍健坦言要衞冕僅剩餘數字上的可能，現階段會專注在兩項本地盃賽：「聯賽喺我心目中係輸咗，但暫時仲有兩個盃賽叫緊胡，我哋都會盡力。」

金信煜去留「仍在處理中」

對於球隊今季成績有所滑落，「伍生」則認為在於季初簽入的外援貨不對辦：「季初引援某程度上係隔山買牛，佢哋表現不似預期，咁當然影響球隊實力，其實隔一段時間都會有呢啲困難。」不過，「伍生」續指目前已努力補救，強調球隊絕對不會坐以待斃。

此外，上季簽入的中鋒金信煜，今季上陣時間寥寥可數，其去留備受關注，「伍生」亦有提到這名前南韓國腳的情況：「金信煜係我哋嘅重要事件，都處理咗一段時間，但始終牽涉到合同、法律同醫療各樣嘢，冇可能幾日就搞掂，只可以話仲係處理當中。」